Page 79 - Entlebucher Brattig 2019

078

Dialog uf em Bärg

Da si-mer itz! Ufem höchschte Punkt!
Drum hett’s a ou da nes Chrüüz !
Ein Kreuz auf einem Berg? – Das tunkt
üs ganz normau i de Schwiiz!

Gäu s’luegt so schöön i ds wiite Land!
Mer gseht’s vo überau!
Ob da gebetet wird? – Das weiss haut
niemer so genau…

Wi’s lüüchtet i däm tunkle Blau
über de hööche, graue Wand!!
Dass da ein solches Zeichen steht,
missbilligt nie jemand?

Das wäär me no! Das ghöört zu üs!
S’isch nid nur Tradition!
Mer si vilicht scho frömmer gsi,
aber mer hei üsi Religion!

Wird man noch lange Kreuze sehn,
von fern und greifbar nah,
auf euren schönen Bergeshöhn?
No lang…? Wär weiss… Ich nime’s aa…
wenn öpper luegt… Ich hoffe scho…
Wöu oni Chrüüz –
das isch eso! –
wär’s nümme ganz
di richtig Schwiiz…

Peter Lohri, *1952, Wolhusen
ehemals Kantonsschullehrer in Willisau

[Bild: Bruno Röösli]